Tendo en conta a estrutura de poboación do rural galego, cun núcleo central e cunha gran cantidade de parroquias, aldeas e lugares, polas que se distribúen os habitantes, faise complexo o feito de atraer a novos poboadores que no seu traballo teñan que moverse polos diferentes espazos poboados.

Para iso, e para facilitar a mobilidade -xa que non existen sistemas de transporte público de conexión intramunicipal- faise necesario que os novos poboadores dispoñan de formas de desprazamento autónomo. Para a cual é unha ferramenta imprescindible dispoñer dun permiso de conducir.

Dada a dificultade da maior parte dos posibles aspirantes a acudir como novos poboadores a acceder a este permiso, tanto por motivos económicos como culturais, expúxoselle ao Director Xeral de Tráfico, Pere Navarro, a proposta de que consideren a realización de cursos adaptados a estes colectivos, e nos que se ofrezan fórmulas asequibles para acceder a un financiamento fácil de afrontar.

A proposta foi ben recibida, co compromiso de estudar o tema e resolver con axilidade.